السلام عليكم بنات شلونكم ،،
اليوم راح اقولكم عن مفصلتي لـ 2015
راح أتكلم اول شي عن الميك اب
كريم الأساس عندي اثنين الاول جيفونشي مات و الثاني بي بي كريم من ميبلين
جيفونشي
فانديشن فل كفر (تغطية كاملة) للبشرة اللي فيها تصبغات خفيفة او البشرة الصافية ، و اذا بشرتج فيها عيوب واضحة استخدمي قبله كوروتور و بيصير بيرفكت 👌🏻
أنا ارطب وجهي و بعدين اوزعه بالفرشة على الوجه و استخدم البودرة و اثبت فقط المنطقة اللي حول الفم لانها تخطط بسرعة .
بالنسبة للثبات أنا استخدمته لعزيمة ٥ ساعات ثااااابت لا تحرك ولا دهن ولا خطط
و مثل ما قلت من البداية هو مطفي فيناسب اللي بشرتهم دهنية او المختلطة
واللي بشرتها جافة تستخدم قبله مرطب
شريته من دبنهامز ب١٩ دينار كويتي تقريباً و موجود في سيفورا او مراكز التجميل اللي بالجمعيات
ميبلين
أنا شريته من سنتر بوينت ب 4,500 دينار تغطيته حلوه جداً طبيعي. وفي منه ٣ درجات اما في موقعهم ٥ درجات أنا درجتي اليديم تعتبر رقم 130 يناسب جميع البشرات حتى الحساسه
و هذي الألوان الموجودة في الموقع
اللي في سنتربوينت بس ٣ درجات اللي بالنص 🙃🙃
والحين دور المسكرا اثنيناتهم من بورجوا
الاولى ضد الماي اسمها volume 1 seconds احبها واااجد تطول وتكثف
والاهم انها ما تلزق الرموش مع بعض سعرهاا ناسيته 🙈😇
الثانية اسمها twist up واهيا عبارة عن اثنين في واحد لمن تكون فرشة المسكرا طويلة راح تعطي رموشج طول اما اذا كانت الفرشة قصيرة راح تكثف رموشج بس اللي ما حبيتها في المسكرا هذي انها تخلي رموشي تتلزق في بعضها فلازم اروح اجيب اي فرشه للرموش و مشط رموشي عشان يبعدون عن بعض 😅👌🏻
ثالث شي اهوا الإضاءة
و عند نوعين من الإضاءة وحده من ذا بالم و الثاني من بينفيت
اللي من the balm
كتبت عنها في الانستقرام
اسمها Mary-Lou هي من الإضاءات اللي اعشقها لونها هادي و تبرز الخدين ولونها على ابيض تصلح مع الميك اب الليلي و لكن انتبهي و إنتي تفتحين العلبة لانها تتكسر بسرعه وعلى اي طيحه تتكسر يعني عتبريها كنز عشان ما تتكسر
أنا استخدمها مع هذي الفرشة المائلة تساعدني شريتها من أمازون تناسب تحطينهاا لانها عظمة الخد مايلة و هذي الفرشة تناسب الخدين 👌🏻👌🏻
شلون تحطينهاا ؟؟ أنا احطها على نص الخشم و على عظمتين مالوت الخد يطلع وجهج طبيعي و هادي
موجودة في محلات سيفورا سعرها تقريباً ١٢ دينار
والاول من benefit و اسمها watt's up كريميه احطها الفترة الصباحية لونها على بيج تعطي لمع جميلة للوجه
و يجي معاها إسفنجة تخليج تقدرين تدمجينها مع وجهج
هم احطها على عظمة الخدين
موجودة في محلات سيفورا سعرها ١٠،٥٠ او ١١،٥٠ دينار ما تذكر 😅😁
رابع اهوا الكونسيلر
وعندي اثنين واحد من ميك أب فورافر والثاني من ميبلين
و الثاني من Maybelline اسمه Super stray رقمه ٣ عيبه الوحيد اذا حطيته تحت عيوني يخطط فلازم بعد ما احطة لازم أحط بعد بودره مضغوطه عشان ما يخطط ولاازم تحطين منه واجد عشان يطّلع شكلج بيرفكت
تلقبونه في سنتر بوينت
و الثانية من Make up forever و اسمه camouflage cream pot رقمي اصفر بيج ١٤
تخطي الهالات و الحبوب وآثار الحبوب استخدمها بفرشة كونسيلر لانه فرشته حلوه وعجيبه توزع صح
موجود في محلات ميك أب فور أفر
خامس شي اهم ٣ فرش من ريل تكنيك
الفرشة الاولى من real techniques من مجموعة العين اسمها base shadow brush
أنا استخدمها حق الدمج حول جفن العين دمجها حلو
اما الفرشة الثانية من نقس المجموعة و اسمها deluxe crease brush
هم استخدمها حق دمج بس الدمج اللي يكون طرف العيون حبها دمجهاااا رهيب
تصلح حق الكونتور البودر والله مادري شنو اقولكم عنها بس حيل عاجبتني استخدمها لكونتر الخدود
الثلاث فرش أنا شريتها مع مجموعاتهم كامله بس هذول الثلاث اللي الحين مستفيده منهم 🙈🙈
شريتهم من أمازون
سادس شي أوهو باليت نيكد ١
ما استفده الا من ٤ شادو
الاول Virgin و naked و buck و smog
هذول اكثر شي استفادته من باليت نيكد
موجود في سيفورا تقريباً سعره ٢١ دينار
سابع شي اهيا الروج
خذيته من inglorious و رقمها ٤٠٥
لونها طبيعي على الشفايف و هيا مات بس عيبها الوحيد انها تنشف الشفايف تنفع للجامعة
ثامن شي اهوا هذا الشدو من مكياجي كولكشين 22K
أنا أحطه تحت الحاجب عشان يبرزشوي حواجبي
تاسع شي اهوا جل الحواجب من elf
استخدم معاه هذي الفرشة من مكياجي اهيا حق الاي لاينر بس أنا استخدمها حق حواجبي
لان حواجبي كثيفه و سودا ما ينفع معاي الا اذا شقرة حواجبي ، فجل elf ساعدني واجد أن اذا ما كنت مشرقه حواجبي ما يأثر علي ولا يخرب شكل حواجبي بس انه يطلعهم مرتبات
لونه وردي على بيج هدي اذا حطيتها على خدودج ينفع تحطينه في الفترات الصباحية
شريته من أمازون بس له استاند في بسنتر بوينت
رقم ١١ اهوا قلم كحل من منهاتن لونه اسود
أحياناً اذا مالي خلق استخدم جل اي لاينر أحطه على انه اي لاينر يثبتو أحطه ككحل داخلي فوق العين
خذيته من صيدليته في ألمانيا بس ما عندي فكره اذا كان في الكويت يبيعه
هذا موقعه اذا حابين تجربونه
www.m-cos.com
الحين دور الفيتامينات
أنا اكل فيتامين الاميغا ٣ ينص فيه بشده غير انه يزيد قوة الذاكرة حيل زاد قوة أظافري لانه قبل كانت أظافري تتكسر من النص و تطول اذا طالت الاميغا قوة أظافري وقلل من تساقط الشعر
أنا خذيته من الصيدلية سعره كان ٤،٥٠٠ دينار
دور الوجة
هذول الاثنتين احبه حيييييييييييييل الاول زيت فيتامين e والثاني سيرم فيتامين c
اهوا من الفيتامينات اللي تخفف التجاعيد على الوجه بعد ما تسوين تقشير للوجه تحطينه او بعد الماسك او قبل الميك أب ريحته ريحة برتقال جميل جداً
خذيته من أمازون
هذا الزيت حق كل شي للجروح و اثار حبوب او اي شي يخطر في بالج أنا حطيته حول العين عشان الاسمرار اللي حول عيوني بس مجرد أسبوعين و الاسمرار خف بنسبة ٩٠٪
خذيته بعد من أمازون
الحين غسول الوجه
غسول نيتروجينا من الجمعية
واهوا مقشر يومي و يتحكم بالحبوب الناتجة عن التوتر
حلو ، اللي لاحظته انه يزيل الرؤس السودا و يخفف الحبوب ، ولمن اغسل وجهي فيه احس وجهي صار منعش
و الحين دول الماسك
هذا ماسك الطين الهندي
Indian Healing Clay اتعب و قول التشوفين النتيجة من اول استخدام حلو ينظف البشره يعطيها نضارة بس لازم تأخذين الاحتياط انج ما تستخدمين اي شي بلاستيك اما يكون فخار او زجاج لانه البلاستيك راح يتفاعل مع الطين
شلون تستخدمينه
اذا بشرتج حساسه خليه على الوجة ٥ دقايق
اما اذا كانت بشرتج عاديه او جافه خليه على الوجة ١٥ دقايق
اما اذا كانت بشرتج دهنية خلية على الوجة ٢٠ دقيقه
اما اذا كانت في الوجه نمش >>تصبغات بنيه اللون<< خلية على وجهج مده ٣٠ دقيقه و استخدميه بشكل اسبوعي راح تشوفين الفرق ، اي بعد يشد البشرة 👌🏻👌🏻👌🏻
بعد ما اخلص منه أحط فيتامين c
أنا شريته بعد من أمازون
